Gobierno Vasco

Gure institutua










  • DBH eta Batxilergoko modalitate guztiak euskaraz bakarrik irakasten dituen Barakaldoko institutu bakarra.

 

  • Neurri ertaineko zentrua, bi eraikinetan banaturik dagoena:

         ** Bat, DBHko 1. ziklorako.

         ** Bestea, DBHko 2. ziklorako eta Batxilergorako.


  • Programa eta proiektu ezberdinetan dihardugu, besteak beste:

         HNP: Hizkuntza Normalkuntza, euskararen erabiltzea sustatzeko eta bultzatzeko.

             Agenda 21: ingurumena lantzen duen proiektua.

             Proiektu Eleanitza.

Zer da Ebaluazio Diagnostikoa?

Ikastetxeen eta Euskal Hezkuntza Sistema hobetzeko balio duen ebaluazio prozesua da; Lehen Hezkuntzako 4. mailako eta DBHko 2. mailako ikasle guztiek oinarrizko konpetentziak noraino garatu dituzten baloratzen du.
Helburu bikoitza du: alde batetik, eskolak bizitzarako zein mailataraino prestatzen duen baloratzea eta herritar bezala duten eginkizuna betetzeko ikasleak zein puntutaraino dauden prestaturik ezagutzea; eta bestetik, ikastetxeei  irakaslana hobetzen laguntzea eta administrazioari hezkuntza-politika bideratzeko informazio baliagarria eskaintzea.

 

Orienta Programa

Orienta ikasketen planifikazioan lagunduko dizun programa informatiko bat da. Clickatu hemen deskargatzeko

 

Aurkezpenen ordutegia- Horario presentaciones (2017-18)

1.ZIKLOA:

 

10:00

1 DBH ko TALDE GUZTIAK (NORBERA BERE GELAN)

11:00

2 DBH KO TALDE GUZTIAK (NORBERA BERE GELAN)

2 . ZIKLOA:

 

10:00

  1. 3 DBH ko TALDE GUZTIAK

1.DBHO ko TALDE GUZTIAK

(NORBERA BERE GELAN)

11:30

  1. 4 DBH ko TALDE GUZTIAK

2.DBHO ko TALDE GUZTIAK

(NORBERA BERE GELAN)

 

Beurkoko lau ikasle Jakiundek ziurtagiri banaketan

Maiatzaren 26an Beurkoko DBH 4. mailako lau ikasleek Jakiundek antolatutako ziurtagirien banaketan parte hartu zuten. Ekitaldia Bizkaiko Foru Aldundiko egoitzan izan zen eta bertan Bizkaiko Ahaldun Nagusiak parte hartu zuen.


Jakiunderen helburua ezagutzaren gizartea sustatzeko ekimenak proposatzea, diseinatzea eta  ebaluatzea da. Akademiak zientzien, arteen eta letren arteko elkar ezagutza bultzatu nahi du eta, era berean, ikerketarako eta sorkuntzarako askatasuna sustatu nahi du, jakintza giza garapenaren eragile nagusia dela uste duelako. Balio hauekin bat eginez, Jakiunderen jarduerak intelektualak eta akademikoak dira esklusiboki, espíritu kritikoak gidatuak dira eta  hausnarketan oinarritzen dira unean uneko joeretatik at.

Euskal Herriko Unibertsitateko Jardunaldi Irekiak

Jakinarazten dizuegu eskuragarri duzuela Jardunaldi Irekiei buruzko informazio guztia Ikasleentzako Argibide Zerbitzuaren (IAZ) webgunean.
Ikasleentzako Argibide Zerbitzuaren Gidan agertzen den informazioaren inguruan jakinarazten dizuegu, azkenean, Leioako Medikuntza eta Erizaintza Fakultateak (Erizaintza, Fisioterapia, Medikuntza eta Odontologiako graduak) EZ dituela Jardunaldi Irekirik eskainiko ikasturte honetan.
Jardunaldi horiek 2. mailako ikasleei zuzenduta daude, zehatz-mehatz batxilergo, goi mailako prestakuntza ziklo, arte ikasketa, kirol ikasketa eta helduen hezkuntzako ikastetxeetako ikasleei. Unibertsitateko hainbat ikastegik jardunaldi horiek gurasoei ere zuzentzen dizkiete (kontsultatu ikastegi bakoitzaren eskaintza espezifikoa).
Ikasleek IAZen webgunean eman beharko dute izena 2017ko otsailaren 13tik (09:00etan) otsailaren 26ra bitartean.

Arrate Egaña idazlearekin topaketa

Pasa den otsailaren 14an, gure Institutura Arrate Egaña idazlea hurbildu zen DBHko1.mailako ikasleekin topaketa bat izateko.

Aldez aurretik, ikasleek bere liburuotariko bat –Giltza, Erein argitaletxea­-- irakurrita zeukaten, baita ahozko zein idatzizko lanak eginda.

Hiru saiotan burutu zen topaketa, eta ikasleek parti aktiboa hartu zuten bertan, askok, lehenago, galderak prestaturik ekarri zituzten. Oso ongi egon zen, ikasleak pozik idazlea ezagutu zutelako, liburuak sinatu zituelako eta  galderei erantzun zielako; eta idazlea ere, berak esanda, gustura aritu zelako.

Batxilergo Artistikoan "ate irekiak" jardunaldia

Maiatzaren 2tik 12ra zabalduko den Batxeilergorako Aurrematrikula dela eta,  Beurko BHIko Zuzendaritza-taldeak eta Arte Batxilergoko irakasleriak datorren ikasturteari begira, ATEAK ZABALIK JARDUNALDIA antolatzea erabaki dugu, apirilaren 26rako.

Helburu nagusiena da Arte Batxilergoko egitura, edukiak, antolamendua eta lanbide eta ikasketa irteerak  jakinaraztea. Aldi berean gure instalazioak ezagutu ahalko dituzue.

 Apirilaren 26ean, asteazkenean,  arratsaldeko  17:30etan, Institutuko Areto Nagusian (eraikin handian), zuen zain egongo gara.

 Agur bero bat

Irakasleon formakuntza

© Beurko BHI. Arauti kalea z/g. 48902 Barakaldo
Telefonoa: 944376608 | Beste Telefonoa: 944381288 | Fax: 944780354 | admin@www.beurko.hezkuntza.net